Тагтаа Хэвлэлийн Газраас Дэлхийн Номын Өдрийг тохиолдуулан “Тагтаа-Уран зохиолын өдөрлөг” зохион байгуулах гэж байгаа билээ. Тус өдөрлөгийг угтан бид залуу уран бүтээлчдээ дэмжих, тэдний бүтээлийг олонд сурталчлан таниулах үүднээс зарласан яруу найраг, өгүүллэг, орчуулгын уралдааны бүртгэлийн хугацааг 4 сарын 23-ны өдрийг хүртэл сунгаж байна. 

Залуу уран бүтээлчдийг дэмжих зорилгын үүднээс уг уралдаанд зөвхөн 35 хүртэлх насны (1981 он болон түүнээс хойш төрсөн) хүмүүс оролцох боломжтой.

БҮТЭЭЛД ТАВИГДАХ ШААРДЛАГА

Яруу найраг
Уралдаанд оролцогч дараах шалгуурыг хангасан өөрийн бичсэн 3 шүлэг ирүүлнэ.
- Ном, сонин, сэтгүүл, цахим ертөнцөд  өмнө нь хэвлэгдэн түгж  байгаагүй.
- Яруу найргийн уншлага, наадмуудад өмнө нь уншигдаж байгаагүй.
- А4 дээр Times New Roman фонтоор, үсгийн хэмжээ 12, мөр хоорондын зай  1.5 гэсэн форматаар шивсэн байх.

Өгүүллэг
Уралдаанд оролцогч дараах шалгуурыг хангасан, өөрийн бичсэн 1 өгүүллэгийг уралдаанд ирүүлнэ.
- Ном, сонин, сэтгүүл, цахим ертөнцөд  өмнө нь хэвлэгдэн түгж  байгаагүй.
- Богино өгүүллэгийн наадмуудад өмнө нь оролцож, уншигдаж байгаагүй.
- А4 дээр Times New Roman фонтоор, үсгийн хэмжээ 12, мөр хоорондын зай  1.5 гэсэн форматаар шивсэн байх.- Өгүүллэгийн хэмжээ 5-10 нүүр байх.

Орчуулгын бүтээл
Уралдаанд оролцогч дараах шалгуурыг хангасан гадаадын дурын хэлнээс монгол хэл рүү өөрийн орчуулсан 1 өгүүллэгийг уралдаанд ирүүлнэ. (Яруу найргийн орчуулгыг энэ удаад уралдаанд хүлээн авах боломжгүй болно.)
- Ном болон сонин, сэтгүүл зэрэг хэвлэл мэдээллийн хэрэгслээр өмнө түгж, хэвлэгдэж байгаагүй.
- Монголд зохиогддог утга зохиолын орчуулгын ямар нэгэн уралдаан тэмцээнд өмнө оролцож байгаагүй.
-Аль хэлнээс орчуулсан болон хэн гэдэг зохиолчийн ямар нэртэй бүтээл болохыг тодорхой дурдаж эхийг хавсаргасан байх.
-Сонгосон зохиол тань өмнө нь монголд орчуулагдаж байгаагүй бол давуу тал болно.
- А4 дээр Times New Roman фонтоор, үсгийн хэмжээ 12, мөр хоорондын зай  1.5 гэсэн форматаар шивсэн байх.

ШАГНАЛ

Шилдэг шүлгийн шагнал
- 300,000 төгрөгийн мөнгөн шагнал, өргөмжлөл
- Тагтаа Паблишингаас эрхлэн гаргасан номнууд

Шилдэг өгүүллэгийн шагнал
- 300,000 төгрөгийн мөнгөн шагнал, өргөмжлөл
- Тагтаа Паблишингаас эрхлэн гаргасан номнууд

Шилдэг орчуулгын шагнал
- 300,000 төгрөгийн мөнгөн шагнал, өргөмжлөл
- Тагтаа Паблишингаас эрхлэн гаргасан номнууд

Уралдааны шилдэг бүтээлүүдүүдийг www.tagtaapublishing.mn цахим хуудсанд бүрэн эхээр нийтэлж олны хүртээл болгоно.
Яруу найргийн төрөлд шилдэг бүтээлээр шалгарсан оролцогч “Тагтаа-Уран зохиолын өдөрлөг"-ийн яруу найргийн уншлагад шалгарсан бүтээлээ уншиж, уншлагыг нээнэ.

БҮРТГЭЛ
Уралдаанд ирүүлэх бүтээлийг 2017.04.23-ны өдрийг дуустал хүлээж авна.

Оролцогч уралдааны шаардлага хангасан өөрийн бүтээлийг [email protected] имэйл хаягаар цахимаар илгээнэ.

Оролцогч бүр уралдаанд явуулж буй бүтээлийн эхний хуудсан дээр дараах мэдээллийг заавал оруулсан байна:

- Оролцогчийн овог, нэр
- Регистрийн дугаар
- Холбоо барих утасны дугаар
- Email хаяг
- Оролцож буй уралдааны төрөл

Уралдаанд тавигдах бүтээлийн шаардлага хангаагүй, бүртгэлийн хугацаанаас хоцорч ирүүлсэн аливаа бүтээлийг хүлээн авах боломжгүйг анхаарна уу.

ЗАЛУУ УРАН БҮТЭЭЛЧ, ҮГИЙН УРЛАГИЙН ИДТЭНҮҮДДЭЭ АМЖИЛТ ХҮСЬЕ.
ТАГТАА ХЭВЛЭЛИЙН ГАЗАР (TAGTAA PUBLISHING)