"Морьтой ч болоосой" аялалын багийнхан Гуулин улсыг хөндлөн гулд туулсаар. Цэцгийн мандал дунд яваа мэт уулын нэгэн тосгонд хүлгийн дөрөө мулталж түр саатлаа.
Бусан, Саха-гу, Гамчон 2-донг орчмын уулархаг тосгон. Historical backround of Gamcheon Culture village 1955 оны 8-р сард Тэгеукдод итгэгчид суурьшиж эхэлсэн тосгон. Солонгосын дайны үеэр Пусан руу дүрвэсэн дүрвэгсэд болон Тэгеукдогийн дагалдагчид энд суурьшиж, зэлүүд газар байшингаа барьсаар жижиг тосгон байгуулжээ. Дүрвэгсэд олноор ирэхэд Пусаны тал нутаг хотуудаар дүүрч, эцэстээ хүн амгүй уулын энгэрт хүртэл тосгонууд үүсчээ.
Ойролцоох Гупён-дун аж үйлдвэрийн цогцолборын усан онгоцны үйлдвэр, үйлдвэрүүдийн ажиллах хүчний ихэнх хэсгийг удаан хугацаанд хангадаг байсан ч тосгоны орчин суугчидын онцлогоос шалтгаалан тосгоны байршил нь тээвэрлэлт, өдөр тутмын амьдралд тохиромжгүй байв. Хүн амын олонх нь Дандан-донг, Гоежон-донг зэрэг шинэ суурьшлын бүс рүү дүрвэжээ. 1970-аад оны эхэн үеэс хүн ам цөөрч эхэлсэн бөгөөд 1995 оны байдлаар 21231 хүн амьдарч байсан бол 2016 оны байдлаар ердөө 8077 хүн буюу 21 жилийн хугацаанд 62%-иар бууржээ. Үлдсэн хүн амын дийлэнх хувийг ахмад настан, тэр дундаа ганцаараа амьдардаг ахмадууд эзэлдэг бөгөөд 65-аас дээш насны хүмүүсийн 27% нь хэт өндөр настан эзэлж байлаа.
Хүн амын тоо огцом цөөрсөн тул 2007 онд эзгүйрсэн тосгоныг аврахын тулд дахин төлөвлөлтийн талаар ярилцаж, бодитойгоор хэрэгжүүлж эхэлхэд бүх оршин суугчдыг багтаах боломжтой томоохон дахин төлөвлөлтийг сурталчлах нь амаргүй байсан бөгөөд шинэ хотын төслийг эсэргүүцсэн олон нийттэй тулгарч байлаа. Гамчоны Соёлын тосгоны төсөл хэрэгжсэнээр тухайн газрын ер бусын тогтоцоос үүдэн бий болсон сайхан байгаль, уур амьсгал ам дамжин тархаж, Гамчон 2-донг аажмаар аялал жуулчлалын газар гэж нэрлэх болсон. 2019 онд жилдээ 2 сая гаруй жуулчин хүлээн авдаг алдартай аялал жуулчлалын газар болсны 60 гаруй хувийг гадаадын жуулчид эзэлдэг. Гамчоны соёлын тосгоны үүдэнд суурилуулсан лангуугаар зочдын тоог хэмждэг гэсэн.
2009 онд БНСУ- ын Соёл, аялал жуулчлалын яамнаас зохион байгуулдаг "Тосгоны урлагийн төслийн уралдаан"-д "Пусаны Мачу Пикчуг мөрөөдөх нь" нэртэй төсөл шалгарч, өөрчлөгдсөнөөр олон киноны зураг авалтууд явагдаж, 2011 онд Соёлын тосгон маань “Кино өргөө” болон өргөжсөн. Энэхүү тосгонд очсоноор та аажмаар алга болж буй гудамжуудыг дахин нэг удаа өөр нүдээр харах боломжтой. Тосгон дотор кафе, бэлэг дурсгалын дэлгүүр, guest house ууд үйл ажиллагаа явуулдаг бөгөөд оршин суугчдын ая тухыг хамгаалах үүднээс 9-6 цагийн хооронд очиж үзэх боломжтой байдаг. Тосгоны центрийг автобуснаас буугаад шууд харах боломжтой бөгөөд тэнд тосгоны тухай танилцуулага байдаг. Энэхүү тосгоны түүхийг харуулсан бяцхан музэй байдаг нь очсон хүмүүс хамгийн түрүүнд үздэг газар байх. Цаашаа гүвээний замаар явахад замын хоёр талаар янзан бүрийн дэлгүүрүүд болон кафе байдаг. Хэдийгээ Солонгосын Санторини гэж нэрлэдэг ч угтаа Грекийн Санторинитэй адил биш. Далайн эргээс 1 км гаруй хол зайтай. Байгаль орчин нь төстэй биш, тэс өөр.
Солонгосын аялал жуулчлалын байгууллагаас 2019, 2020 онуудад Солонгосын аялал жуулчлалын шилдэг 100 газрын нэгээр шалгаруулсан. "Амьдралын шийдвэр" киноны гол дүр Ли Сангдо (Рю Сын Бэом) болон түүний авга ах Ли Тэк- нарын амьдардаг байшин. Жо (Ким Хи Ра) Ким Жи Ён (Чу Жа Хён) нар хамт энэ тосгонд хамт амьдардаг. Тэр цагаас хойш энэ нь улсын хэмжээнд жуулчдын сонирхлыг татдаг газар гэдгээрээ алдартай боловч үнэн хэрэгтээ энэ нь Солонгосын дайны үеэр дүрвэгсдийн хуаран болж эхэлсэн Пусан дахь хөгжил муутай бүс бөгөөд уугуул оршин суугчид нь үргэлж зугтахыг хүсдэг газар. Үнэндээ Саха-гу бол ядуурлын төв.
А.НАВЧАА
