Орчин үеийн хүмүүсийн амьдралд цахим орон зай хүрээгээ улам л тэлсээр амьсгалах агаар, уух ус лугаа онцгой үүрэг гүйцэтгэх болжээ. Мэдлэг, мэдээлэл, үзэл бодлоо илэрхийлэх энэ талбар зохиолчид, бичээчдийн хамгийн тухтай үүр орон болж буйтай маргах хүн ховор. Хэвлэмэл ном, сонин, сэтгүүлээс ялгаатай нь цахим орон зай бидэнд бичвэр, зураг, дүрс бичлэг, дуу бичлэг гэх мэт үнэрлэх, хүртэхээс бусад бүх мэдрэмжид хүрэх, нөлөөлөх боломжийг олгодог. Тэгвэл бид цахим ертөнцийн олгодог дээрх боломжуудыг хамгийн үр дүнтэй, хялбар, оновчтой ашиглах боломжуудыг хуваалцлаа.

Бичвэр

Хэмингвэй: Энэ аппликэшн англи хэлээр бичдэг хүмүүст илүү хэрэгтэй. Таны англи хэлний найруулга, өгүүлбэрийн бүтэц, дүрмийн алдаа мадгийг шалгаж, тохирох зөвлөмжүүдийг дор бүрт нь өгч явдагаараа давуу талтай. Драфт: Энэ сайт бол таны цахим ноорог юм. Та энд бичвэрээ ноороглож, алдаа мадгийг нь засч, бүтээлээ улам төгөлдөржүүлэх боломжтой.

Блог

Медиум: Гүүглийн блогспотийн орон зайг арчиж гарч ирсэн, цоо шинэ талбар бол Медиум. Энд та үзэл бодлоо илэрхийлэх, зохиол бүтээлээ танилцуулах илүү тухтай орчин, уншигчийн өргөн хүрээллийг мэдрэх болно. Гост: Блогчдын бас нэг өрсөлдөөнт талбар. Үнэгүй, нээлттэй, дээр нь хэрэглэхэд маш хялбар. Wordpress: Цахим нийтлэлчдийн дунд Wordpress-ийн нөлөө хүчтэй хэвээр байна. Энд та өөрийн блог, цахим хуудсыг үнэгүй нээх боломжтой. Куора: Энэ бол асуулт хариултын талбар юм. Хүмүүс бие биенээсээ асуулт асууж, хариултаа хуваалцана. Хэрэв та илүү интерактив, амьд харилцааг чухалчилдаг бол үүнийг блог орон зайгаа болгож ашиглаж болох юм. Тамблр: Энэ бол твиттер, wordpress хоёрын эрлийз хуливбар гэж болно. Та үзэл бодлоо илэрхийлээд бусадтай илүү идэвхитэй байдлаар хуваалцаж болно. Svtble: Ажиллах зарчим нь Medium-тай ойролцоо Postach.io: Блогчдын ашиглах дуртай бас нэг талбар яах аргагүй мөн.

Бичсэнээ үнэлүүлмээр байна уу?

Бикон: Энэ бол сэтгүүлчдийн шилдэг бичлэгээ үнэлүүлэх, бичвэртээ зориулсан мөнгөн хуримтлал босгуулах шилдэг арга. Кикстартер: Үүнийг мэдэх хүн бараг үгүй биз ээ. Та уран зохиол, сэтгүүл зүй, кино, загвар гээд урлагийн аль ч төрөлд анхлан хүчээ сорьж буй хүн байж болно. Харин кикстартерт бүтээлээ хуваалцаад уншигч, үзэгчдийн таашаалд хүрч чадвал цаашдын бүтээлдээ зориулсан санхүүжилт авч чадна. Үүгээрээ кикстартер залуу уран бүтээлчдийн хамгийн дуртай цахим талбар юм. Шургуулган дотор хэвтэх ном: Хэвлүүлсэн, эсвэл бэлэн болгоод буй номоо олон улсын түвшинд гаргамаар л байгаа биз дээ? Тэгвэл энд таны шургуулган дотор хэвтээ номыг хэвлэх, түгээх, сурталчлах жинхэнэ боломжийг олгогч эзэд бий. Гэхдээ мэдээж та номоо англи хэлнээ туурвисан, эсвэл орчуулсан байх ёстой болно.

Зохион байгуулалт, эмх цэгц

Трелло: Нэг бичвэр, нэгэн бүтээл дээр олон хүнтэй хамтарч ажиллах хэрэг гардаг. Тэд нь таны хамтран бичигч, ариутган шүүгч, орчуулагч ер хэн ч байж болно. Харин нэг бичвэрээ онлайнд дундаа байрлуулчихаад хоёр талаас нь бичээд, засаад, хянаад явах боломжийг Трелло олгоно. Ариутган шүүгчийн хуанли: Энэ бол Wordpress-ийн блогчдодоо олгодог онцгой нэмэлт юм. Та Wordpress-ийн блогтоо бичсэн бүх бичвэрээ ерөнхийлөн харж, нааш цааш нь зөөж, хэзээ хаана ямар бичвэрээ хэнтэй хуваалцахаа маш уян хатнаар зохицуулах боломжтой. Дропбокс: Зохиол бүтээлүүдээ гэрийнхээ компьютерт хадгална гэдэг асар эрсдэлтэй. Компьютер чинь элдэв вирусын довтолгоонд өртөх, программ, эд ангиуд нь эвдрэх тохиолдолд хайран бүтээлүүдээ хаанаас ч эрээд олохооргүй болсноо ухаарах хичнээн аймшигтай. Харин энд та бичвэрүүдээ ямар ч аюулгүй хадгалж, нэмж засварлаж, бусадтай хуваалцах хамгийн хялбар боломжийг эдэлнэ. Мандах наран: Энэ бол таны ажлаа төлөвлөх, бүтээлийнхээ төлөвлөгөөг гаргах, үйл явцаа хянах хамгийн оновчтой, ашигтай хуанли. Slack: Гэртээ зохиолоо бичээд нам суусан ч уран бүтээлийн багийнхантайгаа нягт харилцаатай байж, ажлаа үр ашигтай хөтөлмөөр байна уу? Энэ бол баг, хамт олонд зориулагдсан хамгийн хялбар чат. Evernote: Зохиолын санаа, бичих арга, гол шугам гээд бичих үйл явцтай холбоотой бүх үйл явцаа алдалгүй тэмдэглэж байх нь нэн чухал. Энэ боломжийг таньд эвернөүт олгоно.

Дүрс бичлэг

Meercat: Дүрс бичлэгээр жиргэ. Перископ: Хорвоо ертөнцийг бусдын нүдээр хараад нэг үз. Vine: Богинохон бичлэгүүдийг хялбар, хөгжилтэй аргаар хий. Wevideo: Цахим талбарт дүрс бичлэгээ засварлах, түгээх, ямар ч хэрэгслээр хялбар нэвтрүүлэх боломжуудыг эндээс аваарай.

Зураг

Зотон: Зургийг дизайн урлагийн түвшинд сонирхож байна уу? Тэгвэл энд таныг тийш хөтлөх хамгийн хялбар хөтөч байна. Pixlr: авсан зургаа цахим орчинд өөрийн хүссэнээр засч янзлах боломж.